कथावाचक (Story Teller)

क्रिकेट रसिकांना प्रेमपूर्वक नमस्कार, आज आपण अशा एका विषयावर बोलणार आहोत ज्यावर गल्लीतल्या चहाच्या टपरीपासून ते गावच्या पारावरच्या ओट्यापर्यंत नेहमीच जुंपलेली असते. विषय आहे क्रिकेटचा! आपल्याकडे क्रिकेट म्हणजे काय नुसते आकडे नाहीत रे बाबा, ती तर काळजाची धडधड आहे. पण एक प्रश्न असा आहे जो विचारला की समोरच्या माणसाचं रक्त सळसळतं आणि वादावादीला सुरुवात होते, तो म्हणजे क्रिकेटच्या पूर्ण इतिहासातले ते सर्वात भारी अकरा गडी कोण? आता बघा, प्रत्येकाची आवड वेगळी असते. आजकाल तर कसं झालंय, एखादा मोठा खेळाडू निवृत्त झाला की टीव्हीवाले त्याला विचारतात, तुमची ऑल-टाइम प्लेइंग इलेव्हन सांगा. मग सचिन तेंडुलकर असो किंवा शेन वॉर्न, हे लोक आपली टीम जाहीर करतात. पण यात एक गोम असते मंडळी. प्रत्येकाला आपलंच पिल्लू गोड वाटतं. म्हणजे कसं, जो ज्याच्या सोबत खेळला किंवा ज्याच्या विरुद्ध खेळून त्याला घाम फुटला, त्यालाच तो महान म्हणतो. शेन वॉर्नने त्याच्या टीममध्ये त्याच्याच काळातले गडी भरले, तर डॉन ब्रॅडमन यांनी त्यांच्या काळातले. यामुळे आपल्यासारख्या सामान्य चाहत्यांचा पार गोंधळ उडतो. मग नक्की भारी कोण? हे शोधण्यास...

रामराम मंडळी मी कथावाचक, काय मग कशी चाललीये धावपळ आज आपण अशा एका थोर महात्म्याबद्दल बोलणार आहोत ज्यांच्यामुळे वारकरी धर्माची ही उत्तुंग इमारत उभी राहिली आणि ज्यांनी भक्तीचा मार्ग इतका सोपा करून दिला की सामान्य माणसालाही पांडुरंग आपला वाटू लागला तो महात्मा म्हणजे संत शिरोमणी नामदेव महाराज वारकरी संप्रदायामध्ये एक म्हण फार प्रसिद्ध आहे की संत कृपा झाली इमारत फळा आली पण या भव्य इमारतीचा पाया रचण्याचं आणि जगाला ज्ञानदीप दाखवण्याचं मोलाचं काम ज्यांनी केलं ते म्हणजे नामदेवराय नाचू कीर्तनाचे रंगी ज्ञानदीप लावू जगी अशी खणखणीत प्रतिज्ञा करून या माणसानं महाराष्ट्रापासून ते पंजाबच्या मातीपर्यंत विठ्ठल नामाची पताका फडकवली ते केवळ महाराष्ट्राचे संत नव्हते तर ते भारताचे पहिले सांस्कृतिक दूत होते ज्यांनी विठ्ठल भक्तीचा सुगंध सर्वत्र दरवळत ठेवला नामदेव महाराजांच्या आयुष्याकडे पाहताना आपल्याला जाणवतं की हा प्रवास केवळ एका जन्माचा नाहीये तर यामागे एक मोठा आध्यात्मिक इतिहास आणि पुरावा आहे वारकरी धर्मातली श्रद्धा आणि पुराणातले संदर्भ सांगतात की नामदेवराय हे साक्षात भगवान विष्णूच्या एका चैतन्यमय अंशाचा अव...

HTML शिका मराठीतून - भाग ३: माहितीची सुटसुटीत मांडणी आणि 'लिस्ट' (Lists) चे प्रकार रामराम मंडळी! मी कथावाचक. मागील भागात आपण मजकूर सजवायला शिकलो, पण नुसता सजवलेला मजकूर जर विखुरलेला असेल, तर तो वाचायला कठीण जातो. आज सकाळी 'सौं'नी मला किराणा मालाची एक मोठी यादी दिली. ती यादी पाहिल्यावर मला आठवलं की, आपण आपल्या वेबसाईटवर सुद्धा अशीच माहितीची सुटसुटीत मांडणी करण्यासाठी 'लिस्ट' (Lists) वापरू शकतो. जेव्हा आपण माहिती मुद्द्यांच्या स्वरूपात मांडतो, तेव्हा ती वाचायला सोपी आणि समजायला सुटसुटीत वाटते. HTML मध्ये अशा लिस्टचे मुख्य तीन प्रकार आहेत. चला तर मग, या 'माहितीच्या शिदोरी'चे पदर उलगडून पाहूया. १. अनऑर्डर लिस्ट (Unordered List - <ul>) जिथे मुद्द्यांचा कोणताही विशिष्ट क्रम महत्त्वाचा नसतो, तिथे आपण ही लिस्ट वापरतो. यालाच आपण 'बुलेट पॉइंट्स' (Bullet Points) म्हणतो. जशी माझी किराणा मालाची यादी - आधी साबण आणला काय किंवा साखर आणली काय, काही फरक पडत नाही.  * यासाठी <ul> (Unordered List) हा मुख्य टॅग वापरला जातो.  * त्यातल्...

कथावाचक पुन्हा एकदा तुमच्यासमोर उभा आहे, मनात साचलेल्या आठवणींची एक नवीन शिदोरी घेऊन. आजची ही कथा थोडी वेगळी आहे. आजपर्यंती आणि तो याची भेट अनपेक्षित असायची यावेळी कथेत भेट ठरवून होते. ही कथा आहे एका अशा सफरीची, जिचं तिकीट पाच वर्षांपूर्वीच फाटलं होतं, पण प्रवास मात्र काल सुरू झाला. ही गोष्ट आहे माझ्या, तुमच्या आणि आपल्या सगळ्यांच्या आयुष्यातल्या त्या 'गोव्याच्या प्लान'ची, जो कधी पैशाअभावी तर कधी धावपळीमुळे अधुराच राहिला होता. कॉलेजच्या दिवसांत मित्रांबरोबर आखलेला गोव्याचा प्लान पैशाअभावी कॅन्सल झालेला मी काही एकटाच नसेन. आपल्यापैकी प्रत्येकाच्या ग्रुपमध्ये असे 'शेंडी' लावणारे मित्र असतातच, पण माझ्या बाबतीत कारण 'खिसा' होतं. कॉलेज संपलं आणि बघता बघता सगळी मित्रमंडळी जगाच्या कधीही न संपणाऱ्या शर्यतीत धावायला लागली. मी तरी त्याला अपवाद कसा असणार? या शर्यतीत धावता धावता 'जगायचं' मात्र कुठेतरी मागे राहून गेलं होतं. कधीकाळी कॉलेजच्या कँटीनमध्ये बसून तासनतास गप्पा मारणारे आम्ही, आता महिना दोन महिन्यातून एखादा फोन आला तरी 'मैत्री अजून जिवंत आहे' या भ्रम...

आध्यात्मिक लेख असूनही तुम्ही हे वाचताय हे पाहून खरंच आनंद होतोय. सनातन धर्मातील गोष्टी आपण चर्चिल्या पाहिजे असे माझे ठाम मत आहे. आजकाल आपण शोपीस म्हणून किंवा घराच्या कोपऱ्यात सजावट म्हणून 'नटराज' यांची मूर्ती ठेवतो. अनेकांना असं वाटतं की, ही केवळ नृत्याची एक पोझ आहे. पण मंडळी, ज्यांना आपल्या संस्कृतीचा खोलवर अर्थ माहीत नाही, त्यांना या मूर्तीकडे फक्त एक कलाकृती म्हणून पाहतात. पण खऱ्या अर्थाने विचार केला तर, नटराज म्हणजे केवळ नृत्य नाही, तर ते या संपूर्ण 'ब्रह्मांडाच्या' निर्मितीचं आणि विनाशाचं एक अत्यंत सूक्ष्म विज्ञान आहे. आज आपण या 'नटराज' शब्दाचा आणि त्यांच्या प्रत्येक मुद्रेचा असा काही 'चर्चा' करणार आहोत की, त्यानंतर तुमच्याकडे बघण्याचा दृष्टिकोन कायमचा बदलेल. नटराज: ब्रह्मांडाच्या नृत्यातील विज्ञानाचा आविष्कार! नटराज हे देवाधिदेव महादेव शंकराचे एक अतिशय सुंदर आणि अर्थपूर्ण नाव आहे. 'नटराज' शब्दाची जर आपण फोड केली, तर नट' म्हणजे कला किंवा नृत्य आणि राज' म्हणजे अधिपत्य गाजवणारा राजा. थोडक्यात, जो सर्व कलांचा स्वामी आहे, तो नटराज! बहुते...

लेखक : कथावाचक नमस्कार मंडळी, 'ऑफिस ऑफिस'च्या या प्रवासात तुमचं पुन्हा एकदा स्वागत. गेल्या वेळी आपण वडापावच्या चटणीपर्यंत येऊन थांबलो होतो, पण खरी 'चटणी' तर कॉन्फरन्स हॉलमध्ये वाटली जाणार होती.  भाग २ वाचण्यासाठी इथे क्लिक करा काचेच्या त्या पारदर्शक भिंतींच्या पलीकडे नक्की काय शिजतंय, याची उत्सुकता संपूर्ण ऑफिसला लागलेली असते. अचानक कॉन्फरन्स हॉलचा जड दरवाजा उघडला आणि बाहेर आल्या आमच्या अकाउंट्स हेड, कविता नायर मॅडम. चेहऱ्यावर इतका कडकपणा की समोरच्या माणसाने हसण्याचं धाडसही करू नये. त्यांनी बाहेर येताच एचआर हेड कौस्तुभ राजवाडे यांच्याकडे एक करडी नजर टाकली आणि हुकूम सोडला, "कौस्तुभ, तातडीने सगळ्या डिपार्टमेंट हेडना कॉन्फरन्स हॉलमध्ये बोलवा... आताच्या आता!" एवढं बोलून, मागचं काहीही न ऐकता मॅडम एखाद्या वादळासारख्या परत आत गेल्या. आता मात्र सगळ्यांची पाचावर धारण बसली. आमचा सुन्या म्हणजे आमचा 'इन-हाऊस जासूस'! त्याला बसल्या जागी चैन पडत नव्हती. आत नेमकं काय चाललंय हे पाहण्यासाठी त्याने एक नामी शक्कल लढवली. कधी पाण्याच्या रिकाम्या बाटल्या भरण्याच्...